العريس بيوم الفاردة لازم الصبح يتهاوش مع العروس أو أمها على قصة التأخير بالصالون مع أنه بكون موصي ( خلود ) صاحبة الصالون تستعجل شوي ، طبعا التأخير بكون بسبب خوات العروس الي بتمردغن بالمكياج اكثر من العروس نفسها .

العريس برن تليفون على اخوه احمد بسأله اذا جاب القميص من الدراي كلين ولا لأ ، وللاسف بطلع الدراي كلين مسكر وصاحب المحل طاش بوسط البلد ( وهات رقع ) طبعا العريس كان يلف الحارة كلها وهو يدور على واحد بعرف يربط ( القرافة ) .

بيجي وقت الانطلاق وبكل فاردة في اشي اسمه ( باص النسوان ) ومجرد ما يجي الباص بتهجم النسوان عليه هجمة رجل واحد ، اه اه هجمة رجل واحد ، بس أم العريس غالبا بتوقف على باب الباص وبتطلع الي بتحبها من النسوان والباقي بتكون بتكرهن فبتكحشهن بالعقل ، وبهذه الاثناء يتم عقد اجتماع طارئ سري لوجستي تنسيقي ومشاورات سريعة و هامة بين اخوان العريس ، لاختيار ( الحمش ) الي رح يمثلهم بباص النسوان وتحديد وظائفه ، وطبعا أهم وظائفه انه يحط عينه عالشوفير ، لأنه احتمال يكون نسونجي ولازم يراقب المرايا كويس يعني لازم يكون أسد بالباص ، المهم تم اختيار عوض لباص النسوان ، وبعد ما فلل الباص مباشرة وقف عوض واتخذ قرار مهم وجريء جدا وحاسم ، وهو ( ولا ولد مسخوط بباص النسوان ) هذه الجملة وهذا القرار الصاعق حطم آمال كثير من الاولاد وقعدهم بالبيت بعد ما لبسوا الي على الحبل وترك غصة بقلوبهم حتى هذه اللحظة ، بس الي معاه #واسطة كان يزرقه ، المهم عوض قعد عند السايق ( عالماتور ) وهو مكان استراتيجي حتى يعيش جو الكنترول ، ومن أهم القرارات أيضا هو عدم فتح الشبابيك ، وممنوع حدا يرقص قدام السايق ، وهو بالاساس بقضيها يجحر بالنسوان لحد ما يشوف #فطوم الي قاعدة عالكرسي المفرد وتبلش مرحلة تسبيل العيون والحب من اول ( طلة ) حصريا لفطوم ( عاد عيون فطوم مثل دوحل ابو الشلن ولحية عوض تقول تالي حريقة ) المهم بتقوم فطوم تهز بالباص على اغنية ( غنيلو يا بنااات عموووو ، غنيلو زال اليوم هموووو ) وبهاي اللحظة بتنحل كل عقد عوض ، وبتفك الكشرة تلقائي ، ومن الفرحة بيسمح بفتح الشبابيك ، لمدة عشر دقايق ، وكله لعيون ام خشوم قصدي فطوم ، ولكن الكارثة الكبرى إذا صارت هوشة بالفاردة ، لأنه عوض بده يقلب رامبو قدام فطوم ( وهات مين يمسك رامبو عاد ، بده ينط من الشباك ) .

المهم بتصل الفاردة بخير وسلامة ، وببلشن خوات العريس بقيادة فريال ( يقاهرن ) بالعروس ويعلقوا عليها ، والعروس بتعطيهم تهديد من خلال النظرات انه جايتكم أيام سودا بالحارة ، وحتى الاغاني بتكون مراددة عبعض بين أهل العريس وأهل العروس ، والمستفيد الأكبر الي بلحق ( يقش ) صحن كنافة ويخبي البيبسي بجيابه وجياب اخوه الصغير .

بنيجي لوقت الترويحة وأهم شي يكون في ( بكم ) جاهز ، و وظيفته انه يلحق يفك اللوج من عند أهل العروس بعد ما تطلع ، ويفعط قبل الفاردة علشان يلحق يركب اللوج عند أهل العريس ، طبعا مصيبة اذا الفاردة طلعت واللوج تأخر ، بتلاقي البكم فاعط بنص الفاردة مثل الاسعاف والكل بفتحله طريق ، و نسيت احكيلكم عن الهوشة الي بتصير على موضوع مين بده يركب قدام بسيارة العريس ، هل أم العروس ولا أم العريس ، المهم بالترويحة كل خمس دقايق بصفن السيارات على جنب الطريق حتى يتجمعوا ويفتحوا مجال حتى اللوج يصل بلاش أم العروس تزعل اذا ما لقت ( صمدة ) لبنتها .

و السؤال القوي جدا ( ليش لما سيارتين بتلاقوا مع بعض بالفاردة ويكون في معرفة بينهم بتلاقي اللي بالسيارة ( يلدو ) على بعض وبيصيروا يضحكوا ويأشروا لبعض كأنهم اول مرة بشوفوا بعض .

وهالكلام ما رح يفهمه الجيل الجديد وزغرتيلو يا هلالة وغني على دلعونة


0

9


قال العلامة ابن الجوزي _ رحمه الله تعالى _ :

"متى رأيت صاحبك قد غضب ، وأخذ يتكلم بما لا يصلح فلا ينبغي أن تعقِد على ما يقول خِنصراً - أي لا تأخذ ما يقول بعين الاعتبار - ولا أن تؤاخذه به ؛ فإن حاله حال السكران ، لا يدري ما يجري .
۞ بل اصبر لفورته ، ولا تعوِّل عليها؛ فإن الشيطان قد غلبه ، والطبع قد هاج ، والعقل قد استتر .
۞ ومتى أخذت في نفسك عليه ، وأجبته بمقتضى فعله كنت كعاقل واجه مجنونا ً، أو كمفيق عاتب مغمى عليه ، فالذنب لك .
۞ بل انظر بعين الرحمة ، وتلمح تصريف القدر له ، وتفرج في لعب الطبع به ، واعلم أنه إذا انتبه ندم على ما جرى ، وعرف لك فضل الصبر .
۞ ، …… وهذه الحالة ينبغي أن يتعلمها الولد عند غضب الوالد ، والزوجة عند غضب الزوج ؛ فتتركه يشتفي بما يقول ، ولا تعوِّل على ذلك ؛ فسيعود نادما معتذرا ً.
۞… ، وأكثر الناس على غير هذا الطريق: متى رأوا غضباناً قابلوه بما يقول ويعمل وهذا على غير مقتضى الحكمة ، بل الحكمة ما ذكرته (وَمَا يَعْقِلُهَا إِلاَّ الْعَالِمُونَ).

صيد الخاطر (468)


0

4


المياه المغليه التي تجعل البطاطا طريه هي نفسها التي تجعل البيض قاسيآ ..
ليست الظروف هي التي تجعلك مختلفآ،بل معدنك !
كلام جميل ناقصه خبز طابون.وبطلع الوضع لوز


0

5


‏-
استغرب من الناس اللي تفوتهم الطياره، انا لو عندي سفرة احتمال أمر على بيت الكابتن أوديه المطار.


0

6


-




النوم من اول تغميضه !!
فن لا يتقنه الا الشيبان ̯*


0

1