بكون قاعدة بمكان عام وشاردة بموضوع وبعدين بنتبه ولا شب قاعد قدامي بيشبه منقوشة زعتر وخدو بقا ﻷقنعو انو كنت شاردة


0

8


أنا أكتب نكت في النكت المنوعة ، روح لهنيك .
و شكرا


3

2



الحياه حلوه إذا شفتها من الجانب الاكلي ، والنومي ، والضحكي.




1

6



كونك انخطبتي أو تزوجتي
لايعني حصولك على الجواز الأمريكي
الأمر طبيعي ويحصل كل عشرة
ثواني حول العالم ، هدئي من روعك
ولاتصبغين أشقر ¡¡¡


2

6


عالفيس وحدة طلبت طريقة عمل البيتزا وأختها بعتتلها الطريقة بأحد التعليقات ..
شوفوا وتعلموا طريقتها :

1-حطي طحين بكاسة البوك أو كاسة من كاسات أخوكي محمود يلي جبلك ياهون وقت سكنتي ببيتك الجديد و زعلت مرتو يومها لأنو ما جبلها متلهن 
2-حطي خميرة من يلي عليها صورة الطباخ وفوق راسو طاقية (مو حَيلا نوع ، ما تسترخصي وتجيبي من عند السمان !! بعرفك ها )  و كمان مقدار معلقتين سكر بالملاعق يلي جابتلك ياهن خالتك فريزة وشوية ملح لا تكتري ولا تلتهي مع رفقاتك و انتي عم تشتغلي
3-حطي فنجان زيت ( خدي من الفناجين يلي جبلك ياهون أبوكي يوم عرسك هي إذا ما كسروهون ولادك العفاريت ...لكان مانك فاضية تربيهن منيح وقتك كلو عالموبايل والفيس والواتس) 
4-حطي شوية حليب بودرة خلي جوزك هالمقوص أبو نص دكة يجيبلك و قليلو افردها لإيدك بلا كحتنة و جربنة و بعدين اعجنيهون كلهن بطشط كبير (طشط متل يلي كان ببيت ستك الله يرحمها. هاد يلي تقاتلوا عليه خالاتك و خوالك صبحية العيد بتتذكري وقتها كل واحد يقول هاد إلي !! ولما اجا ابن عم أمك الشيخ وصالحهن هالشرشيح قام باﻷخير قالت خالتك أميرة خدوه عندي غيرو)
5-اعجني عجينتك و ادعكيها منيح و غطيها بصينية أو خرئة نضيفة..لك إي إلا ما يكون زايد عندك شي وحدة من يلي كنتي مفصلتيهن منشان تحفضي فيهن ولادك الشخاخين و هني صغار

6-بعدين إذا شفتيها اختمرت و انتفخت افرديها وحطي عليها الصلصة يلي مساويتيها وجبنة و حطي بسخاء بعرفك إيدك ماسكة 
(مثل الجبنة يلي استعملتها بنت عمة أبوكي أماني لك هي يلي حطتها عالمعكرونة بتتذكري ؟؟ يوم خطبة أخوها عبد الغني يلي حب رفيقتو بالجامعة و أمو ماكان بدها ياها و غصب عنها حضرت الخطبة وكل الحفلة قاعدة وخلقتها مقلوبة و عم تقرأ و تنفخ)
ايه و خلص بعدين حطيها بالفرنَ يلي اشتريتو من سوق الحرمية بربع سعرو ..بس بدك الصراحة انحظيتو فيه
و صحتين و هنا اختي ..ما بتاكول إلا العافية

يخرب بيتها(طلعت فضايح العيلة كلها مشاااان البيتزا الله لا يوفقها على هالوصفة)


0

6